Գլխավոր էջ | Գրանցում | Մուտք | RSS
Օրացույց
«  սեպտեմբեր 2011  »
երկերեչորհինուրբշաբկիր
   1234
567891011
12131415161718
19202122232425
2627282930
Մուտքի եղանակը
Մուլտիմեդիա
Парадокс Человека: Новый Взгляд на Стару...
խԱՉՔԱՐԵՐԻ ՄԱՍԻՆ
Լուսինե Զաքարյան. Սուրբ-սուրբ mp3
Օձունի վանքի սբ. Աստվածածին եկեղեցու վեր...
Սուրբ Եղիշե վարդապետ. Աստվածաբանական երկ...
Ս. Գրիգոր Նարեկացի - ՄԱՏԵԱՆ ՈՂԲԵՐԳՈՒԹԵԱՆ...
Ջրօրհնեք զորամասում (Եկեղեցական կյանք)
Լուսինե Զաքարյան. Ի գերեզման. mp3
Յորժամ. Վարուժան սարկավագ Մարգարյան. mp3
Եկեղեցական կյանք. քահանայից ամենամյա հավ...
Նվիրվում է Երուսաղեմի հայոց Պատրիարք Ամե...
Վազգեն Վարդապետ. Մեր Պատարագը. pdf
Տ. Սահակ եպիսկոպոս Մաշալյան Պայծառակերպո...
Սահակ եպս. Մաշալյան Գայթակղության, ներմա...
Опасные тоталитарные формы религиозных...
Սուրբ Մակար Մեծ. Խրատներ. pdf
Սահակ եպիսկոպոս Մաշալյան Հրաշքների մասին...
Անահիտ Պարսամյան. Օշինդրի բույրը կամ Ս. ...
Типология сектантства и методы антисе...
Անկանիմք
Դպրության տվչության կարգ Վազգենյան հոգևո...
"SOURP-SOURP" L. ZAKARIAN- M.Y...
Հովհաննես Գառնեցու Աղոթքները.pdf
Феномен глоссалалии. Н. В. Порублев. pdf
Բաց դուռը սրտիդ. pdf
Ս. Գրիգոր Նարեկացի - ՄԱՏԵԱՆ ՈՂԲԵՐԳՈՒԹԵԱՆ...
Ինչպես կարդալ Աստվածաշունչը. pdf
ИНКВИЗИЦИЯ.pdf
Նիկոլայ ավագ քահանա Ագաֆոնով. Յուղաբեր կ...
slaq.am «Ակցիա` ընդդեմ աղանդների»
Խաչի օծման արարողություն Ապարանում ( Եկե...
ՍԲ. Պատարագ Կոմիտասյան 04 mp3
Աստվածաշունչ (բոլոր գրքերը) Ս. Էջմիիածին...
Խաչիկ ծ. վարդապետ Դատեան. Երկերի ծողոված...
Սբ Կիպրիանոս Կարթագենացի. Գիրք եկեղեցու ...
Վեհարանի վերանորոգում
Введение в сектоведение. В.Ю. Питанов. p...
Երևանի Ավետարանական աղանդը Հայ Առաքելակա...
Բելլա Բարսեղյան. Հեթում Ա արքան` միջ...
Սահակ եպս. Մաշալյան Կանայի հարսանիքը (տե...
Վարք Սրբոց Բ. Դեմետրիոս - Թեոփիլոս. pdf
Կոմիտաս Ասլամազյան. Խումար mp3
Սահակ եպս. Մաշալյան Հարստության մասին (...
Կոմիտաս Ասլամազյան. Շողեր ջան mp3
Роль религии в диалоге цивилизации.pdf
Билл Мак-Кивер. Мормоны и многобожие pdf
«Բարև Երկիր» ծրագրի ուղիղ եթերում ՄԱՆԱՆԱ...
Սուրբ Ներսես Շնորհալի. Մեկնություն Մատթե...
Ս. Գրիգոր Նարեկացի - ՄԱՏԵԱՆ ՈՂԲԵՐԳՈՒԹԵԱՆ...
Լուսինե Զաքարյան Առավոտ Լուսո mp3
Գլխավոր էջ » 2011 » սեպտեմբեր » 19 » Ամենայն Հայոց Կաթողիկոսը մասնակցեց Սփյուռքի կազմակերպությունների ղեկավարների և ներկայացուցիչների համահայկական համաժողովի բացման արարողության

18:01
Ամենայն Հայոց Կաթողիկոսը մասնակցեց Սփյուռքի կազմակերպությունների ղեկավարների և ներկայացուցիչների համահայկական համաժողովի բացման արարողության


Սեպտեմբերի 19-ին, Կ. Դեմիրճյանի անվան մարզահամերգային համալիրում, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը ներկա գտնվեց Սփյուռքի կազմակերպությունների ղեկավարների և ներկայացուցիչների համահայկական համաժողովի բացմանը:
Բացման արարողության ընթացքում Ամենայն Հայոց Կաթողիկոսն իր օրհնությունը բերեց համաժողովի մասնակիցներին:
Ստորև ներկայացվում է Ամենայն Հայոց Կաթողիկոսի խոսքը:
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի խոսքը
Սփյուռքի կազմակերպությունների ղեկավարների և ներկայացուցիչների համահայկական համաժողովին
Մեծարգո Նախագահ Հայաստանի Հանրապետության,
Մեծարգո Նախագահ Լեռնային Ղարաբաղի Հանրապետության,
Սիրեցյալ եղբայր ի Քրիստոս Արամ Ա Մեծի Տանն Կաթողիկոս,
Բարեպաշտ հայորդիք և հարգարժան հյուրեր.
Բերկրաշատ հոգով ողջունում և Հայրապետական Մեր օրհնությունն ենք բերում ձեզ` համաժողովի մասնակիցներիդ: Աշխարհի բոլոր կողմերից Սփյուռքի կազմակերպությունների ղեկավարներդ և ներկայացուցիչներդ եկել եք Հայրենիք` հայրենի պետության և հայրենաբնակ ձեր քույրերի ու եղբայրների հետ միասնաբար քննարկելու ազգային մեր կյանքը հուզող խնդիրներ` ի սեր մեր երկրի ու ժողովրդի առաջընթացի և նվիրական իղձերի իրականացման:
Խորհրդանշական է համաժողովի հրավիրումը Մայր Հայրենիքում մեր երկրի անկախության 20-ամյա հոբելյանի լույսի ներքո, որը մեր ժողովուրդը տոնում է հոգու խնդությամբ, հպարտությամբ ու քաջալերությամբ: Ժողովուրդները ապրում ու գոյատևում են հայրենիքով, իսկ հայրենիքը ծաղկում է իր զավակների նվիրումով ու զոհողություններով: Արդարև, Արցախի և Հայաստանի անկախության հռչակումով նոր էջ է բացվել մեր պատմության մեջ, նոր դարագլուխ սկսվել մեր ժողովրդի կյանքում: Դարեր ի վեր ավերների ու կոտորածների, ցեղասպանության ենթարկված մեր ժողովուրդը անվարան հռչակեց, որ տերն է իր երկրի, իր իրավունքների, իր արդար դատի և իր ազգային ժառանգության ու միահամուռ ջանքերով ձեռնամուխ է ազգային իր նպատակների իրագործմանը:
Տոնական այս օրերին մենք հուզումով ենք վերհիշում 1991 թ. պանծալի սեպտեմբերը, մեր ժողովրդի ապրած խնդությունը, լավատեսությունը և իր նոր կյանքը կառուցելու հաստատակամությունը: Առաքելական մեր Սուրբ Եկեղեցին երջանկահիշատակ Վազգեն Ա Ամենայն Հայոց Կաթողիկոսի փառաբանական աղոթքով օրհնեց իրականություն դարձած մեր ազգային երազանքը` անկախ Հայրենիքը` Հայաստանով ու Արցախով, աշխարհսփյուռ մեր ժողովրդին կոչելով միասիրտ ու միասնական շենացնել ու պայծառացնել Հայրենիքը: Երկու տասնամյակում մեծ տեղաշարժեր են եղել, մեր Հայրենիքը վերափոխվում ու զորանում է հայրենի իշխանության և մեր ժողովրդի ջանք ու նվիրումով: Այսօր գոհունակությամբ և գնահատանքով ենք անդրադառնում Սփյուռքի հայության մեծ աջակցությանը Հայրենիքին, պատրաստակամ հանձնառությանը, որով Սփյուռքի բարերար մեր զավակները, կազմակերպություններն ու անհատ անձինք զորակցություն բերեցին հայրենական կյանքին, հայոց բանակին, կարևոր և գնահատարժան մասնակցություն ունեցան տնտեսության մեջ, կրթական, առողջապահական, մշակույթային ասպարեզներում, բնակավայրերի բարեկարգմանը, վանքերի ու եկեղեցիների վերանորոգությանն ու կառուցմանը և ամենուր` որտեղ եղել է անհրաժեշտություն սատարումի:
Ձեռքբերումներով և առաջընթաց զարգացումներով հանդերձ, այսօր մեր երկիրը դիմագրավում է տնտեսական, քաղաքական, ընկերային կյանքի բազմաթիվ խնդիրներ: Մեր առջև կանգնած հրամայականներ են Հայաստանում և Արցախում բարօր կյանքի կերտումը, Արցախյան հինախնդրի արդար կարգավորումը, Հայոց Ցեղասպանության համընդհանուր ճանաչումը, որոնք մեր ժողովրդից պահանջում են նոր ջանքեր, հանձնառություններ ու իրագործումներ:
Հաշված տարիներ հետո հիշատակելու ենք Հայոց Ցեղասպանության 100-րդ տարելիցը, որին ընդառաջ մենք պիտի շարունակենք մեր համակարգված գործունեությունը ընդդեմ Թուրքիո Ցեղասպանության ժխտողական քաղաքականության: Պահանջատիրությունը մեր ցանկությունների, մեր որոշումների արդյունք չէ, այլ հետևանքը մեր ժողովրդի նկատմամբ Թուրքիո գործած ոճրի: Հայ Դատի պաշտպանությունը ցեղասպանության ենթարկված մեր ժողովրդի հոգու պարտքն է նախնյաց և Աստուծո առջև: Մենք իրավունք չունենք տկար լինելու, մեր կարողություններն ու հնարավորությունները վատնելու, այլ համախմբված, հետևողական ու աննահանջ շարունակելու պայքարը մեր ժողովրդի արդարության հաղթանակի համար:
Համաժողովի սիրելի մասնակիցներ,
Ձեր օրակարգում կարևորությամբ քննության եք առնելու երիտասարդությանը վերաբերող հիմնախնդիրները, մեր մատաղ սերնդի ուսման, ազգային կրթության ու դաստիարակության հրամայականները: Կրթության խնդիրը միշտ արդիական է, իսկ մեր ժողովրդի համար հայապահպանության լույսի ներքո` կենսականորեն կարևոր: Տարբեր մշակույթների ու տարբեր արժեհամակարգերի պայմաններում հասակ առնող և հաճախ ժամանակակից աշխարհի անցանկալի ընթացքների ազդեցություններին ենթարկվող հայորդյաց համար ինքնության պահպանության պայման ու ապահով հենարան է հայրենաճանաչությունը, քրիստոնեական մեր հավատքին ու արժեքներին, մեր ազգային ավանդներին խարսխված որակյալ կրթությունը: Այս կերպով մեր ընտանիքներում, մեր եկեղեցիներում, ազգային ու կրթական մեր հաստատություններում կարող պիտի լինենք կերտել Աստծո, ազգի, Հայրենիքի ու Եկեղեցու առջև պատասխանատվություն կրող երիտասարդություն: Ամենքս պիտի գործենք Հայրենիքի ու Եկեղեցու շուրջ մեր զավակների համախմբման նախանձախնդրությամբ, մեր հավատքը, մեր լեզուն ու մշակույթը սրբորեն պահպանելու և սերնդեսերունդ փոխանցելու կամքով: Ազգապահպանության, հայրենաշինության և ազգային մեր խնդիրների լուծման նախադրյալը մեր համագործակցությունն ու քրտնաջան աշխատանքն է, մեր միասնականությունն ու կազմակերպվածությունը: Այս նպատակների իրականացման գործում մեր Եկեղեցու անփոխարինելի դերի և առաքելության կարևորության համոզումն ունենալով, Մայր Աթոռ Սուրբ Էջմիածինը ջանքեր է ներդնում առավել կարգավորված դարձնելու եկեղեցական կյանքը Հայրենիքի և Սփյուռքի համայնքներում, Մեծի Տանն Կիլիկիո Կաթողիկոսության և Նվիրապետական մեր մյուս Աթոռների հետ համատեղ աշխատանքով լուծելու անցյալից ժառանգություն մնացած խնդիրները, որոնք խոչընդոտում են մեր հոգևոր և ազգային կյանքի առաջընթացը: Մենք հավատում ենք մեր ժողովրդի պայծառ, լուսավոր ապագային, որը պիտի կերտենք այսօր անկախացյալ հայրենի մեր պետականության ամուր հիմքերի վրա: Այդ հավատն է համախմբել ձեզ Հայրենիքում` միասնաբար քայլեր ձեռնարկելու, ջանքեր գործադրելու` զորացնելու համար հիմերը մեր անկախ պետականության, ամրապնդելու ազգային կյանքը Սփյուռքի համայնքներում, հետամուտ լինելու մեր ժողովրդի իղձերի ու նպատակների իրականացմանը: Արդարև, մեզ չեն պակասում մարդկային ուժեր, նյութական հնարավորություններ, եկեղեցական, ազգային, պետական կառույցներ, մեզ չեն պակասում գիտական միտք ու շնորհալի հոգու կարողություններ, իրականություն դարձնելու ազգային մեր ծրագրերը և տեսիլքները:
Գոհություն բարձրացնելով առ Աստված, ի խորոց սրտի հայցում ենք, որ Տերը խաղաղ ու հաստատուն պահի մեր պետությունը, օգնական ու աջակից լինի հայրենի մեր իշխանություններին և մեր ժողովրդի բոլոր զավակներին ամենուր, օրհնի մեր ջանքերն ու գործերը և հաղթությամբ պսակի մեր նպատակները:
Մեր բարձր գնահատանքն ենք բերում Սփյուռքի նախարարությանը և համաժողովի բոլոր կազմակերպիչներին, ինչպես և ձեզ, համաժողովի սիրելի մասնակիցներ, հորդորելով, որ նույն անսակարկ նվիրումով շարունակեք ձեր ընթացքը` նորանոր բարի իրագործումներով զարդարելով ձեր ազգօգուտ, հայրենաշեն ու եկեղեցաշեն վաստակը: Առ Աստված աղոթքով մաղթում ենք բարի ընթացք և արդյունավոր աշխատանք Հայրենիք-Սփյուռք համաժողովին: Տերն է մեր ապավենը սերնդեսերունդ, որ օրհնում է ազգիս կառուցելու և պայծառացնելու իր վերածնվող կյանքը այսօր և հավիտյան. ամեն:

Մայր Աթոռ Ս. Էջմիածին
Տեղեկատվական Համակարգ
տնօրեն` Տ. Վահրամ քահանա Մելիքյան






Բաժին: Նորություններ | Դիտումներ: 643 | Ավելացրեց: Տեր_Համբարձում | Պիտակներ: Norutyunner | Հեղինակություն: 5.0/29
Որոնում կայքում


Armenian Directory
Սույն կայքի նյութերը պաշտպանված են հեղինակային իրավունքով: Մեջբերումներ անելիս հղումը կայքին պարտադիր է:
Օնլայն ընդամենը: 1
Հյուրեր: 1
Օգտվողներ: 0

Հայ Առաքելական Ս. Եկեղեցի © 2011-2013