Գլխավոր էջ | Գրանցում | Մուտք | RSS
Օրացույց
«  մայիս 2011  »
երկերեչորհինուրբշաբկիր
      1
2345678
9101112131415
16171819202122
23242526272829
3031
Մուտքի եղանակը
Մուլտիմեդիա
Սուրբ Գրիգոր Տաթևացի. «Հայր մերի»-ի մեկն...
Խաչի օծման արարողություն Ապարանում ( Եկե...
Վաչե ծայրագույն վարդապետ Իգնատոսյան. Աստ...
Կոմիտաս Վարդապետ. Մոկաց Միրզա. mp3
Андраш Салаи. В Поисках реальности. pdf
Ժամանակակից աղանդները Հայաստանում (Մորմո...
Սևանի Վազգենյան Դպրանոց Օրհնյալ է Աստված...
Աստվածաշունչ (բոլոր գրքերը) Ս. Էջմիիածին...
Աղանդագիտարան
ՍԲ. Պատարագ Կոմիտասյան 01 mp3
Ս. Կյուրեղ Երուսաղեմացի. Կոչումն ընծայու...
Եզնիկ վարդապետ Պետրոսյան դոկտոր աստվածաբ...
ՁԻԱՀ-ով հիվանդների հոգեբանական առանձնահա...
Զքեզ աղաչեմք. Փառաւորեալ Աստուած. Վարուժ...
Ուխտագնացություն Ակունք գյուղի Սուրբ Կար...
В. Маунткасл . Организующий принцип функ...
Ձերբակալվել են այլասերված աղանդի պարագլո...
Կոմիտաս Ասլամազյան. Ալ Այլուղս. mp3
Լուսինե Զաքարյան. Ուր՞ Ես Մայր Իմ mp3
Զորահանդեսի մասնակից հոգևորականների պարգ...
Շոու բիզնեսի ներկայացուցիչները քարոզում...
Սուրբ Անտոն Մեծ. Խրատներ. Ս. Էջմիածին - ...
Սահակ եպս. Մաշալյան Աղոթքի մասին (Մաս 1-...
Ս. Գրիգոր Նարեկացի - ՄԱՏԵԱՆ ՈՂԲԵՐՈՒԳԹԵԱՆ...
Կոմիտաս Ասլամազյան. Չինար ես. mp3
Զարմանալի պատմություններ. Հրաչ Բեգլարյան...
Введение в сектоведение. В.Ю. Питанов. p...
Юрий Валерьевич Зудов. Пятидесятничество...
Ովքե՞ր են խոնարհ մարդիկ
Եհովայի վկաների դիտարանի քննադատություն....
ՍԲ. Պատարագ Կոմիտասյան 03 mp3
«Լեզվախոսների» խաբկանքների մասին պատմում...
Տ. Բագրատ Եպս. Գալստանեան, Օծումն հիվանդ...
Ն.Ս.Օ.Տ.Տ. Գարեգին Բ Ամենայն Հայոց Կաթող...
Մաշտոց տպագրված է 1988 թ. Անթիլիասում. p...
Մամլո ասուլիս աղանդների կործանարար գործո...
Եհովայի վկաներ. Նոր աշխարհի թարգմանությո...
Վարուժան սրկ. Մարգարյանը. Արի Տէր mp3
Դպրոցական միջին տարիքի աշակերտների քրիստ...
Альберти Р.Е., Эммонс М.Л.. Умейте посто...
Ռուսաստանի Դաշնության բանկերի ասոցիացիա...
Սբ Կիպրիանոս Կարթագենացի. Գիրք եկեղեցու ...
Սուրբ Եղիշե վարդապետ. Աստվածաբանական երկ...
Կենարար Մյուռոնի պատմությունը
Որք զարդարեցին. Հովեր երգչախումբ. mp3
Սևանի Վազգենյան Դպրանոց. Ընտրեալդ. mp3
Լուսինե Զաքարյան Տիրամայր mp3
Հովհաննես Գառնեցու Աղոթքները.pdf
Ալեքսանդր Ամարյան VS Կյանքի Խոսք
Մանանա ծրագիր - «Մաքսլիբերթի»-ի անդրադար...
Գլխավոր էջ » 2011 » մայիս » 27 » ԲԱՐԵԳՈՐԾՈՒԹՅՈՒՆ

19:57
ԲԱՐԵԳՈՐԾՈՒԹՅՈՒՆ


ԲԱՐԵԳՈՐԾՈՒԹՅՈՒՆ, քրիստոնեական կենցաղավարության ու բարեպաշտության հիմնական և անհրաժեշտ դրսևորում, որն իր մեջ ներառում է. ա. կարեկցանք մերձավորի հանդեպ և բ. բարոյական պարտավորություն կարիքավորների ու չքավորների նկատմամբ: Բ. քրիստ. առաքինություններից մեկի՝ ողորմության արտահայտությունն է: Նախաքրիստ. շրջանի հռոմեացի հեղինակները մերձեցել են մարդասիրության գաղափարին և խոսել կարեկցանքի մասին: Այնուամենայնիվ, հռոմ. շրջանում Բ. կրել է շղարշված փառասիրության բնույթ (ինչպես, օր., տոների առթիվ դրամ շաղ տալը, բաղնիքների, ամֆիթատրոնների և այլ հաս. զվարճության վայրերի կառուցումը և այլն): Հին կտակարանում Բ. հանդես է գալիս որպես տկարների նկատմամμ կարեկցանքի արտահայտություն, որը, սակայն, իր ուղղվածությամբ մեկ նպատակ ունի՝ շահել Աստծո բարեհաճությունը: Սկզբ. շրջանում մովսիսական օրենքը կարեկցանքը դիտել է որպես կատարյալ վարքի դրսևորում: Արդարությունն ու Բ. ընդունվել են որպես հոմանիշներ: Հետագայում, Երուսաղեմի տաճարի կործանումից և զոհաբերությունների հարկադրական վերացումից հետո, Բ. հրեաների մոտ դարձել է կրոն. պարտականություններից առաջինը: Բոլոր քաղաքներում եղել են ծառայողներ, ովքեր զբաղվել են սինագոգի գանձարկղում շաբաթ օրը հավաքված դրամը, նաև այլ նվիրատվությունները կարիքավորներին բաշխելով: «Երանի նրան, ով մտածում է աղքատի ու տնանկի մասին. փորձանքի օրը Տերը կփրկի նրան» (Սաղմ. 40.1) խոսքը ոչ միայն Բ-յան հորդոր է, այլև աղքատի նկատմամբ պարտականության արտահայտություն: Սակայն Հին ուխտի օրենքներով ու հրահանգներով առաջնորդվող հրեական իրականության մեջ Բ. թելադրվել է ոչ թե ներքին անհրաժեշտությամբ, այլ արտաքին՝ կեղծբարեպաշտ. դրդումներով: Բ. իր բուն նպատակով ու իմաստով երևան է եկել քրիստոնեության հետ միասին և իր էությամբ ամբողջապես քրիստոնեական է: Նոր կտակարանում Բ-յան արտաքին ձևը չի փոխվել, սակայն ձեռք է բերել բացարձակապես հոգևորբարոյական արժեք ու նշանակություն. շեշտադրվում է Բ. կատարողի ազատ կամքի, ներքին անձն. կարեկցանքի ու սիրո դրսևորումը: Հիսուս Քրիստոսը Բ. ապարդյուն չի համարում՝ Աստծո նկատմամբ ճիշտ կեցվածք ընդունելու գործում, այլ շեշտում է ճշմարիտ դրդապատճառի անհրաժեշտությունը՝ «հանուն Աստծո»: Նա դատափետում է իր ժամանակի ցուցադրական Բ. (Մատթ. 6.1–4) և կարևորում ողորմության ներքին բովանդակությունն ու նրանում թաքնված աստվածային օրհնությունն ու երանությունը: Քրիստոնյա առաջին հավատացյալները կամավոր, սիրով հրաժարվել են անձն. սեփականությունից և բաժանել կարիքավորներին: Վաղ քրիստ. համայնքում սպասավորների առաջին ընտրությունը տեղի է ունեցել հենց ողորմության անաչառ բաշխման նպատակով. յոթ սարկավագներ են ընտրվել սեղանին սպասարկելու համար (Գործք 6.1–7): Կարիքավորների պետքերը հոգացվել են (Գործք 4.32, 34–35), և յուրաքանչյուր քրիստոնյա պարտավորվել է իր ունեցվածքից բաժին հանել չքավորներին: Բ. հավասարվում է արդարությանը ո՜չ նրա համար, որ արդարացնում է մարդուն (մարդ արդարանում է հավատով. տես Հռոմ. 3.22, 26), այլ նրա համար, որ Աստծուն մերձենալու լավագույն ճանապարհներից է, և որի համար մեր մերձավորը բարի վկայություն է տալու Աստծո առջև: Հակոբոս առաքյալն իր Ընդհանրական թղթում հավելում է, որ հավատն առանց գործերի մեռած է. կարիքավոր եղբորը կամ քրոջը չօգնողը և երեսպաշտորեն Աստծուն մատնացույց անողը նմանվում է դևի (Հակոբոս 2.14–26): Քրիստոնեությունը Հռոմ. Կայսրությունում հաղթանակելուց հետո հիմնադրվել են զանազան աստվածահաճո հաստատություններ (հիվանդանոցներ, ուրկանոցներ, անկելանոցներ և այլն): Եկեղեցու հայրերը մշտապես հիշեցրել են Բ-յան անհրաժեշտության մասին՝ այն համարելով քրիստ. գլխավոր առաքինություններից մեկը: Բարսեղ Կեսարացին ասում է, որ խնայված ավելորդ հացը պատկանում է սովյալին, ավելորդ հագուստը՝ մերկին, իսկ հողին պահ տրված արծաթը՝ աղքատին: Իսկ Հովհան Ոսկեբերանի ձևակերպմամբ՝ հարուստ լինել չի նշանակում շատ ունենալ, այլ՝ շատ տալ: Բ. քրիստոնեության մուտքի հետ արմատացել է նաև Հայաստանում: Արդեն Ներսես Ա Մեծ հայրապետի օրոք Մեծ Հայքը պատվել է բարեգործ. հաստատությունների խիտ ցանցով: Բարեգործ. շարժումը ծավալվել և կազմակերպված բնույթ է ստացել հատկապես XIX դ. վերջին և XX դ. սկզբին, երբ ինչպես Հայաստանում, այնպես էլ նրա սահմաններից դուրս, հիմնվել են զանազան բարեգործ. կազմակերպություններ: Համայնավար վարչակարգի հաստատումով, սակայն, Բ. որակվել է բուրժուա-կղեր. երևույթ և մերժվել այն պատճառաբանությամբ, թե հավասարների հասարակարգում չեն կարող լինել կարիքավորներ ու չքավորներ: Ըստ այդմ՝ «Բ.» տերմինը կիրառվել է միմիայն հեգնական երանգով: Հայաստանում ժողովրդավար. կարգերի հաստատումից հետո դարձյալ ստեղծվել են զանազան բարեգործ. հաստատություններ, որոնց մի մասը չի համապատասխանում քրիստ. Բ-յան ճշմարիտ ընկալմանը: Առանց ավետարանական պատշաճ գիտակցության կատարված օժանդակությունը չի կարող նույնանալ քրիստ. Բ-յան հետ, քանզի վերջինս պահանջում է նաև աստվածային մյուս բոլոր պատվիրանների անշեղ կիրառում և աստվածահաճո կենցաղ: Արդի շրջանում Հայ եկեղեցին նոր թափ է հաղորդել իր բարեգործ. գործունեությանը: Բացել է բարեգործ. ճաշարաններ ծերերի և կարիքավորների համար, օժանդակում է, հատկապես գյուղերում, կարիքավոր ընտանիքներին՝ ստեղծելով փոքր արտադրություններ: Հայ եկեղեցու հովանավորությամբ ՀՀ տարբեր մարզերում և թեմերում գործում են մանկ. ամառային ճամբարներ, որտեղ երեխաներն ստանում են նաև հոգևոր դաստիարակություն, ծանոթանում Հայ եկեղեցու պատմությանը: Հիմնվել են մանկ. գեղագիտ. դաստիարակության կենտրոններ ևն: Այդ ամենը Հայ եկեղեցին իրագործում է սփյուռքահայ բարերարների, ինչպես նաև մի շարք միջեկեղեց. և միջազգ. կազմակերպությունների օժանդակությամբ:

Միքայել ծ. վրդ. Աջապահյան






Բաժին: Քրիստոնեական դասընթացներ | Դիտումներ: 841 | Ավելացրեց: Տեր_Համբարձում | Պիտակներ: Baregorcutyun | Հեղինակություն: 5.0/21
Որոնում կայքում


Armenian Directory
Սույն կայքի նյութերը պաշտպանված են հեղինակային իրավունքով: Մեջբերումներ անելիս հղումը կայքին պարտադիր է:
Օնլայն ընդամենը: 1
Հյուրեր: 1
Օգտվողներ: 0

Հայ Առաքելական Ս. Եկեղեցի © 2011-2013