Մայիսի 4-ին, Մայր Աթոռ Սուրբ Էջմիածնում, դիվանապետ Տ. Արշակ եպիսկոպոս Խաչատրյանն ընդունեց ՌԴ դատական պրիստավների դաշնային ծառայության պատվիրակությանը` գլխավորությամբ ՌԴ գլխավոր դատական պրիստավ Արթուր Պարֆենչիկովի: 
Սրբազան Հայրը ողջունեց պատվիրակության այցը Մայր Աթոռ Սուրբ Էջմիածին` փոխանցելով Ամենայն Հայոց Կաթողիկոսի օրհնությունն ու բարեմաղթանքները:
Հանդիպմանն անդրադարձ կատարվեց դատական պրիստավների դժվարին ծառայությանը, որը կոչված է հաստատելու և իրագործելու արդարադատությունը և իրավունքի պաշտպանությունը:
Հանդիպումից հետո պատվիրակությունն այցելեց Մայր Աթոռի թանգարան, ծանոթացավ հայ ժողովրդի հոգևոր և մշակութային գանձերին:

• 1
• 2
• 3
• 4
• 5