Գլխավոր էջ | Գրանցում | Մուտք | RSS
Օրացույց
«  մարտ 2013  »
երկերեչորհինուրբշաբկիր
    123
45678910
11121314151617
18192021222324
25262728293031
Մուտքի եղանակը
Մուլտիմեդիա
Դասախոսություն Գեւորգյան հոգեւոր ճեմարան...
Սևանի Վազգենյան դպրանոց ամեն շաբաթ mp3
Աղանդները շարունակում են ծաղկել
Աստուածածին երկնային. Հովեր երգչախումբ....
Վարանիմք ի մեղաց. Կարինե Ավետիսյանը. mp3
Սահակ եպս Մաշալյան ապաշխարություն
Տեր Վահրամ քահանա Մելիքյանը պատասխանում ...
Վան Գորդեն, խմբագրել է Գրետխեն Պասանտինո...
Ս. Գրիգոր Նարեկացի - ՄԱՏԵԱՆ ՈՂԲԵՐԳՈՒԹԵԱՆ...
Սուրբ Գրիգոր Տաթևացի. «Հայր մերի»-ի մեկն...
Տ. Բագրատ Եպս. Գալստանեան, Օծումն հիվանդ...
Կյանքի խոսք աղանդի պարագլուխ, Արթուր Սիմ...
Տէր ողորմեա, Հատված Պատարագից. mp3
Ամերիկյան մուլտֆիլմերի կործանարար ազդեցո...
Ս. Հովհան Որոտնեցի «Մեկնողական-իմաստասիր...
Եհովայի վկաների դիտարանի քննադատություն....
Ричард Бендлер. Время перемен. pdf
Շնորհք արքեպիսկոպոս Գալուստյան. Մեծ պահք...
Կոմիտաս Ասլամազյան. Կաքավիկ mp3
Друг царя и царицы. Григорий Ефимович Ра...
Աննա Մայիլյան սիրտ իմ սասանի mp3
slaq.am «Դատ` Տեր Եսային ընդդեմ Եհով...
Անահիտ Պարսամյան. Շուշան-Վարդենի. Վարքագ...
ՏԱԹԵՎԻ ՎԱՆՔ (վավերագրական ֆիլմ «ԲԱՐԵՎ, Վ...
Սևանի Վազգենյան դպրանոց. Հավուն mp3
Մանանա ծրագիր - «Մաքսլիբերթի»-ի անդրադար...
Ս. Գրիգոր Նարեկացի - ՄԱՏԵԱՆ ՈՂԲԵՐԳՈՒԹԵԱՆ...
Սահակ եպիսկոպոս Մաշալյան. Երկու ուխտավոր...
Соблазн оккультизма. Архимандрит Алексан...
Տեր Գրիգոր քհն. Հովհաննիսյան -ԵԿԵՂԵՑԱԿԱՆ...
Ամենայն Հայոց Կաթողիկոս Գարեգին Բ-ի անվա...
Ջրօրհնեք զորամասում (Եկեղեցական կյանք)
Լուսինե Զաքարյան Առավոտ Լուսո mp3
Հայր Վարդան Նավասարդյան. Դրոշմի Խորհրդի...
Սևանի Վազգենյան Դպրանոց. Հրաշափառ Աստուա...
Սևանի Վազգենյան Դպրանոց Օրհնյալ է Աստված...
Քահանաների պատրաստում ընդլայնված դասընթա...
Г. Г. Бочкарева. Психологическая характе...
Սահակ եպս. Մաշալյան Հարստության մասին (...
Հայր Ղևոնդի Նոր տեսանյութը: (ՄԱՍ 1-2) Կ...
Դպրության տվչության կարգ Վազգենյան հոգևո...
Մաղաքիա արք. Օրմանյան. Ազգապատում. Հատոր...
Ուր ես, Մայր իմ,
Սահակ եպս. Մաշալյան Աղոթքի մասին (Մաս 1-...
Հայտնիների ներգրավածությունը աղանդներում
Սահակ եպս. Մաշալյան Սուրբ Ծնունդ (Մաս 1-...
Եզնիկ վարդապետ Պետրոսյան դոկտոր աստվածաբ...
Սահակ եպս. Մաշալյան Մանանանեխի հատիկի և ...
Վասն հիվանդաց. Հրաչ Բեգլարյան. pdf
Հայր Խորեն Առաքելյան. Դիակիզում, թե՞ թա...
Գլխավոր էջ » 2013 » մարտ » 31 » ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸ ՍՈՒՐԲ ՀԱՐՈՒԹՅԱՆ ՏՈՆԻ ԱՌԻԹՈՎ

21:28
ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸ ՍՈՒՐԲ ՀԱՐՈՒԹՅԱՆ ՏՈՆԻ ԱՌԻԹՈՎ


Յանուն Հօր եւ Որդւոյ եւ Հոգւոյն Սրբոյ. ամէն:
«Զի կեանս յաւիտենականս ետ մեզ Աստուած, 
եւ այս են կեանքն, որ յՈրդին Նորա են» 
(Ա Յով. Ե 11): 

Սիրելի բարեպաշտ ժողովուրդ,
 Բացվող գարնան ջերմության և նոր կյանքով լցվող բնության զարթոնքի հետ մեր հոգիներում այսօր «Քրիստոս յարեաւ» հրեշտակաձայն ավետիսով թևածում են Հարության տոնի հույսն ու խնդությունը` նորոգելով ու զորացնելով մեզ վստահության մեջ, որ «Աստուած յաւիտենական կեանք տուեց մեզ, և այդ այն կեանքն է, որ Նրա Որդու մէջ է»: 
 Առաքյալի այս խոսքը վկայում է մարդկության պատմության ընթացքը վերափոխած իրադարձության մասին, որը կատարվեց, երբ խաչված և գերեզմանում դրված Քրիստոս հարություն առավ մահվանից: Այդ պահից մահն իշխանություն չունի մարդկանց վրա, մեղքը քավված է, մահվան թագավորությունը խորտակված: Գերեզմանից այն կողմ փրկության ու հավիտենական կյանքի լույսն է, որ պայծառորեն շողում է այսօր մեր հոգիներին` նորոգելով մեզ մեր հույսի ու հավատքի մեջ: 
 Քրիստոսի Հարության հավատքը ուժ և զորություն է բերում միշտ վեր հառնելու և ապրելու այն կյանքը, որ Աստծո Որդու մեջ է: Այդ կյանքի հիմքը սերն է, նվիրաբերվող սերը, այն սերը, որով Աստծո Որդին աշխարհ եկավ, փրկչական Իր առաքելությունը իրականացրեց և պատգամեց Իր աշակերտներին ու հետևորդներին ասելով. «Նոր պատուիրան եմ տալիս ձեզ, որ սիրէք միմեանց» (Յովհ. ԺԳ 34): Մարդկային կյանքի հիմքում Քրիստոս դրեց սերը, որպեսզի կատարյալ լինի մարդը, և ոչինչ չպակասի մարդուն: Սերը ստեղծում է, կերտում ու հաստատում և ոչ` կործանում. լուսավորում է, հուսադրում, խինդ ու երանություն է պարգևում և ոչ` անորոշության ու վհատության մատնում, վիշտ ու տրտմություն բերում: Սերը բարիքի ու երջանկության աղբյուրն է, վեմն է խաղաղության ու արդարության, քաջալերությունը` միմյանց աջակցության ու զորակցության` հանուն մարդկության բարօր, միշտ զարգացող առաջընթաց կյանքի: 
 Այսօր Քրիստոսի Հարության տոնի բերկրանքի հետ Մեր սրտում նաև ափսոսանքն է, որ մարդկության կյանքում ամենուր և մշտապես չի դրսևորվում մեր Տիրոջ պատգամած սերը մարդու և Աստծո ողջ արարչագործության հանդեպ: Երկու հազարամյակ քարոզվող քրիստոսապատվեր սիրո սերմերը ընկնում են հաճախ Աստծուց հեռացած հոգիների անբերրի ապառաժի վրա, կամ արդյունք չեն տալիս մարդկային անհոգության պատճառով, և կամ չարն է հափշտակում Տիրոջ կողմից սերմանվածը` սփռելով որոմ և մոլորեցնելով մարդկանց առ բարին ընթացքների մեջ: Ներկայիս աշխարհաքաղաքական ու ֆինանսատնտեսական բարդ զարգացումները, զորացող անձնակենտրոն մտածողությունը, հոգևոր-բարոյական արժեքների անտեսումը նոր հակասություններ ու հակամարտություններ, խնդիրներ ու հոգսեր են առաջ բերում հասարակությունների կյանքում և մարդկային հարաբերություններում: Խաղաղ ու ներդաշնակ կյանքը խաթարող այսպիսի իրողություններից վեր հառնելու ուղին է լուսավորում այսօր հնչող ավետիսը Քրիստոսի Հարության` բերելով պատգամը այն կյանքի, որ Աստծո Որդու մեջ է: Իրական է այդ կյանքը, մատչելի և հասանելի ամենքիս: Երբ մարդկային խոհերն ու գործերը ծնունդ են առնում և առաջնորդվում Աստծո հանդեպ հավատքով ու միմյանց հանդեպ սիրով, դա Քրիստոսի մեջ եղող կյանքն է: Երբ խնամքն ու աջակցությունը հասարակության նկարագիրն ու բնական վիճակն են, դա Քրիստոսի մեջ եղող կյանքն է, երբ 30 արծաթով չեն հարթվում հուդայական կեղծիքի ու մատնության ուղիները և պիղատոսյան անտարբերությամբ անարդարություններ չեն իրագործվում, դա այն կյանքն է, որ Քրիստոսի մեջ է, երբ նեղության, թե լիության մեջ աղոթքը և առ Աստված փառաբանությունն են մարդկանց շուրթերին, ու ընտանիքներում հասակ են առնում բարեպաշտ զավակներ` դա այն կյանքն է, որ Քրիստոսի մեջ է, և որին Աստծո բարեխնամ շնորհով կանչված է մարդկությունը: 
 Սիրելի բարեպաշտ ժողովուրդ, այսօր մեզ համար շարունակում են մտահոգիչ մնալ հայրենական և ազգային մեր կյանքը հուզող լուրջ մարտահրավերները` Ղարաբաղի հիմնահարցը, մեր երկրի շրջափակումը, սոցիալ-տնտեսական խնդիրները, արտագաղթը, կեղծ արժեքների ու բարքերի ներթափանցումը: Անհանգստացնող են նաև վհատության, վատախոսելու տրամադրությունները, փոխադարձ վստահության պակասը, միմյանց ունկնդիր լինելու անպատրաստակամությունը և անհաշտ պարտադրանքը սեփական ճշմարտության: Վանենք մեզանից այսպիսի դրսևորումները: Մեր ճշմարտությունը նորանկախ Հայաստանն է` դարերի անմար երազը մեր պապերի ու հայրերի. ազատագրված Արցախը` մեր ոգու նորօրյա հերոսացումը, մեր հպարտ հաղթանակը: Մեր ճշմարտությունը նեղության, դժվարությունների դիմակայող մեր ժողովուրդն է, պատերազմի սպառնալիքի ներքո հայրենի սահմանները պաշտպանող Հայոց բանակը, աշխարհասփյուռ մեր համայնքներն են` հանապազ մարտնչող ազգային և հոգևոր ինքնության համար, այսօր վտանգված, հյուծվող սիրիահայ համայնքն է` կարոտ սատարումի ու աջակցության: Այս իրողություններն են մեր առջև, սիրելի բարեպաշտ ժողովուրդ: Մեր Հայրենիքի հզորացման, մեր ծաղկուն կյանքի կառուցման, ազգային վերածնության ու զարթոնքի մեր տեսիլքների ու իղձերի իրագործման համար մեկ ճանապարհ ունենք` այն կյանքը, որ Աստծո Որդու մեջ է: Փրկչի հարության ավետիսով նորոգենք մեր ուխտը Աստծո հետ, գոտեպնդվենք հավատքով, հարուցյալ կյանքի հույսով` հաղթահարելու համար առկա նեղություններն ու դժվարությունները: Մերժենք մեր կյանքից երկյուղ, վհատություն և ամեն տարակույս, որ կարող են ջլատել մեր ժողովրդին ու մեր միասնականությունը, և միմյանց զորակցությամբ իրագործենք հայրենաշեն ու ազգաշեն մեր բոլոր ծրագրերն ու նվիրական նպատակները: Մեր Տիրոջ կողմից վկայված և պատգամած սիրով ապրենք, որպեսզի յուրաքանչյուրիս հաջողությունը, ձեռքբերումը ծառայեն ընդհանուր բարօրությանն ու առաջընթացին, հաղթանակ, փառք ու պատիվ դառնան մեր երկրի և ողջ ազգի համար, և մենք մնանք հավատարիմ ու սեփական ժողովուրդ Աստծո` արժանի Տիրոջ երկնային շնորհներին ու պարգևներին: 
 Մեր Տիրոջ հրաշափառ Հարության ավետիսով ի Քրիստոս եղբայրական Մեր սերն ու բարեմաղթանքներն ենք հղում Առաքելական մեր Սուրբ Եկեղեցու Նվիրապետական Աթոռների Գահակալներին` Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսին, Երուսաղեմի Հայոց Պատրիարք Ամենապատիվ Տ. Նուրհան Արքեպիսկոպոս Մանուկյանին, Կոստանդնուպոլսի Հայոց Պատրիարք Ամենապատիվ Տ. Մեսրոպ Արքեպիսկոպոս Մութաֆյանին, Քույր Եկեղեցիների շնորհազարդ հոգևոր Պետերին: 
 Հարուցյալ Տիրոջ շնորհների հայցով ողջունում ենք Հայաստանի Հանրապետության Նախագահ Տիար Սերժ Սարգսյանին, ողջույն ենք հղում Լեռնային Ղարաբաղի Հանրապետության Նախագահ Տիար Բակո Սահակյանին, հայոց պետական ողջ ավագանուն` մաղթելով արդյունաշատ գործունեություն և մնայուն ձեռքբերումներ` հանուն մեր երկրի և մեր ժողովրդի լուսավոր գալիքի: Քրիստոսի հրաշափառ Սուրբ Հարության ավետիսով Մեր օրհնությունն ենք բերում Հայաստանում հավատարմագրված դիվանագիտական առաքելությունների ղեկավարներին ու ներկայացուցիչներին` մաղթելով երկնային ամենայն բարիք և գործոց հաջողություն: 
 Հայրապետական Մեր սերը և օրհնությունը` մեր Սուրբ Եկեղեցու ուխտյալ սպասավորներին և հավատավոր Մեր զավակներին ի սփյուռս աշխարհի: 
 Աղոթում ենք, որ հարուցյալ մեր Տիրոջ շնորհները հեղվեն մարդկանց հոգիներին, որպեսզի աշխարհում ամենուր հաստատվեն և արգասավորվեն խաղաղությունը, միմյանց հանդեպ սերն ու արդարությունը: Թող Տերը խաղաղ պահի մեր Հայրենիքը, մեր ժողովրդին` ի սփյուռս աշխարհի և օրհնի բոլոր ջանքերը` հանուն մեր կյանքի բարօրության ու մեր հավատքի պայծառության, որպեսզի ազգս հայոց այսօր և միշտ խնդությամբ ավետի` 
Քրիստոս յարեաւ ի մեռելոց 
Օրհնեալ է Յարութիւն Քրիստոսի:







Դիտումներ: 776 | Ավելացրեց: Տեր_Համբարձում | Հեղինակություն: 5.0/1
Որոնում կայքում


Armenian Directory
Սույն կայքի նյութերը պաշտպանված են հեղինակային իրավունքով: Մեջբերումներ անելիս հղումը կայքին պարտադիր է:
Օնլայն ընդամենը: 1
Հյուրեր: 1
Օգտվողներ: 0

Հայ Առաքելական Ս. Եկեղեցի © 2011-2013