Գլխավոր էջ | Գրանցում | Մուտք | RSS
Օրացույց
«  փետրվար 2013  »
երկերեչորհինուրբշաբկիր
    123
45678910
11121314151617
18192021222324
25262728
Մուտքի եղանակը
Մուլտիմեդիա
Ինքնասպանություն, Օր Վեցերորդ, Կամո Վարդ...
ԽԱՐԻԶՄԱՏՆԵՐ (Մաս 1-2)
Մաշտոց տպագրված է 1988 թ. Անթիլիասում. p...
Ինչպես կարդալ Աստվածաշունչը. pdf
Парадокс Человека: Новый Взгляд на Стару...
Մեկնություն Դանիելի Մարգարեության.Վարդան...
Տէր ողորմեա, Հատված Պատարագից. mp3
Բարեխօսութեամբ. Կոմիտասեան Պատարագ. Կատա...
Վեհարանի վերանորոգում
Որք զարդարեցին. Հովեր երգչախումբ. mp3
Վազգեն Հակոբյան, Կանոնագիրք Հայոց, (հատո...
Անանյա Սանհանեցի մեկնություն Մատթեոսի. p...
Տ. Անուշավան եպիսկոպոս Ժամկոչյան, Սրբասա...
ՍԲ. Պատարագ Կոմիտասյան 01 mp3
Դպրության տվչության կարգ Վազգենյան հոգևո...
Տէր Կիւրեղ քհն. Տալեան - ՔՐԻՍՏՈՆԵԱԿԱՆ ՍԻ...
Հովհաննես Գառնեցու Աղոթքները.pdf
Սուրբ Մովսես Խորենացի. Աստվածաբանական եր...
Ուր ես, Մայր իմ,
Սահակ եպս. Մաշալյան Անիրավ տնտեսի առակը ...
Աղանդագիտարան
ՍԵՎԱՆԻ ՀԱԶԱՐԱՄՅԱ ՄԵՆԱՍՏԱՆԸ (ռեժիսոր`...
Ս. Գրիգոր Նարեկացի - ՄԱՏԵԱՆ ՈՂԲԵՐԳՈՒԹԵԱՆ...
Արշակ Տեր Միքելյան Հայաստանյաց Սուրբ Եկե...
ՍԻՐԱՆԿՅՈՒՆ ծրագրի հյուրն է Տեր Վահրամ քա...
Խոսրով Անձևացի. Սուրբ Պատարագի մեկնութ...
Կոմիտաս Ասլամազյան. Նուբար - նուբար mp...
Վաղինակ վրդ. Մելոյան. Ճշմարիտ վերածնունդ...
Հայր Ղևոնդի Նոր տեսանյութը: (ՄԱՍ 1-2) Կ...
Կոմիտաս Ասլամազյան. Շուշիկի mp3
Վազգենյան հոգևոր դպրանոց. Գովեա Երուսաղէ...
Ադամ քահանա Մակարյան. Քրիստոնեության իսկ...
ՈՎՔԵՐ ԵՆ ԵՀՈՎԱՅԻ ՎԿԱՆԵՐԸ (վավերագրական ֆ...
Սուրբ Մակար Մեծ. Խրատներ. pdf
Աբորտ. մարդիկ կորցրել են երկյուղն Աստծո ...
Տեսիլքներ և մարգարեություններ Հայոց մասի...
Վարուժան սրկ. Մարգարյանը. Արի Տէր mp3
Լուսինե Զաքարյան. Ծիրանի ծառ. mp3
Л.Ф. Обухова. Преодоление биогенетически...
Ս. Գրիգոր Նարեկացի - ՄԱՏԵԱՆ ՈՂԲԵՐԳՈՒԹԵԱՆ...
Ն.Ս.Օ.Տ.Տ. Գարեգին Բ Ամենայն Հայոց Կաթող...
Ս. Գրիգոր Նարեկացի - ՄԱՏԵԱՆ ՈՂԲԵՐԳՈՒԹԵԱՆ...
Կենարար Մյուռոնի պատմությունը
Խաչիկ ծ. վարդապետ Դատեան. Երկերի ծողոված...
Друг царя и царицы. Григорий Ефимович Ра...
ՖԻԼՄ ԱՄԵՆ ԻՆՉԻ ՄԱՍԻՆ - Джузеппе Москати-...
Սուրբ Գրիգոր Նարեկացի. Մեկնություն «Երգ ...
Ամերիկյան մուլտֆիլմերի կործանարար ազդեցո...
ՏԱԹԵՎԻ ՎԱՆՔ (վավերագրական ֆիլմ «ԲԱՐԵՎ, Վ...
Վաղինակ վրդ. Մելոյան. Ես եմ ճամբան, ճշմ...
Գլխավոր էջ » 2013 » փետրվար » 23 » Աստծո արդարության հաստատումը

21:45
Աստծո արդարության հաստատումը


Սիրեցիր արդարությունն ու ատեցիր անօրինությունը: Սաղմ. 44; 8
Եթե մեր բարոյական անկման (որն էլ հենց միակ իրական չարիքն է) սկիզբն Աստված չէ եւ չի էլ կարող լինել. «Մաքուր է Քո աչքը չարիքներ տեսնելուց» (Ամբ. 1; 13), ապա լիովին ճշմարիտ է, որ բոլոր աղետները, որոնք առաջ են գալիս երկրորդական պատճառներից` ըմբռնելի կամ անըմբռնելի, ինչ կերպ էլ որ պատահեն, տեղի են ունենում Աստծո կամքով եւ ուղարկվում Նրա զորեղ աջով` ըստ Նրա հայեցողության ու նախախնամության:
Աստվա՛ծ պարզեց Իր ձեռքը քեզ հարվածելու համար, Աստվա՛ծ շարժեց քեզ վիրավորողի կամ զրպարտողի լեզուն` քեզ նախատելու կամ զրպարտելու, Աստվա՛ծ զորացրեց անիրավին` քեզ տապալելու: Աստված Ինքն է Եսայի մարգարեի բերանով հաստատում սա` ասելով. «Ես եմ Տերը, եւ չկա ուրիշը.... Ես եմ հաստատել լույսն ու ստեղծել խավարը, Ես եմ խաղաղություն անում եւ չարը հաստատում: Ե՛ս` Տե՛րս եմ անում այս ամենը» (Ես. 45; 5, 7): Ավելի հստակորեն հաստատում է սա Ամովս մարգարեն. «Կա՞ մի չարիք քաղաքում, եւ Տե՛րը չի արել դա» (Ամովս 3; 6). ասես ասում է` չկա մի աղետ, որը չի լինում Աստծո կամքով, որը թույլ է տալիս չար մտադրությունը, իսկ դրա իրագործման համար ցույց տալիս միջոցն ու տալիս կարողություն:
Շատ լավ է արտահայտել այս միտքը երանելի Օգոստինոսը` ասելով. «Այս կերպ` չար մարդկանց միջոցով Աստված խրատում է բարի մարդկանց»:
Ոչ հազվադեպ Աստծո արդարությունը նաեւ գործածում է անիրավ թագավորներին եւ չար իշխաններին որպես գործիքներ, որպեսզի արդարներին սովորեցնի համբերություն եւ անիրավներին պատժի իրենց անօրինությունների եւ հանցանքների համար: Ահա օրինակներ. Աստված Եսայի մարգարեի միջոցով սպառնում է, որ Իսրայելի բարոյազրկված ժողովրդին կկործանի եւ ասորեստանցիների միջոցով կամայացնի Պաղեստինը: «Վա՛յ ասորեստանցիներին. (իսրայելացիների հանդեպ) Իմ բարկության ու սրտմտության գավազանը նրանց ձեռքին է: Որովհետեւ բարկությունս կարձակեմ անօրեն ազգի վրա եւ կհրամայեմ, որ Իմ ժողովրդին թալանեն ու գերեվարեն, քաղաքներն ավերեն եւ փոշի դարձնեն: Սակայն ասորեստանցին այսպես չմտածեց եւ իր ներսում այսպես չհամարեց, այլ մտադրվեց ոչնչացնել ոչ սակավ ազգերի» (Ես. 10;5-7): Այստեղ Աստված հստակ ցույց է տալիս, որ ոչ թե ասորեստանցիների թագավորի, այլ Ի՛ր սուրբ կամքն է կատարվում ասորեստանցիների միջոցով: Նա նրանց կոչում է իսրայելացիների անօրինությունների հանդեպ Իր բարկության գործիքն ու Իր սրտմտության գավազանը եւ հետեւաբար Իրեն է վերագրում նրանց պատիժը: «Ես եմ նրանց ուղարկել,- ասես ասում է,- նրանց ունեցվածքն ավար առնելու եւ Ինձ անհնազանդներին ու իրենց մտքում հպարտացողներին խոնարհեցնելու համար. նրանք մերժել են միակ Աստծո հանդեպ հավատը եւ անմիտ ու դաժան ծեսերով ու զոհերով պատվել հեթանոսական կուռքերին: Իսկ Ասորեստանի արքան, Իմ կամքն իրագործելով, ուրիշ կերպ է մտածելու. կարծելու է, թե իր սեփական կամքով է դա անում, եւ չի խրատվելու, այլ ձգտելու է սպանությունների եւ ժողովուրդների վերջնական բնաջնջման, սակայն ծառայելու է Իմ կամքին: Երբ ասորեստանցիների պատերազմով պատժեմ Իմ ժողովրդին, խրատեմ նրանց, այն ժամանակ վա՜յ այդ գավազանին, վա՜յ ասորեստանցիներին. նրանց բոլորին` իբրեւ անպիտան գործիք, կգցեմ կրակը` այրելու»:
Հռոմի կայսր Տիտոսը, Երուսաղեմը գրավելիս, անձամբ շրջելով նրա պատերի մոտով եւ տեսնելով մեռած մարդկանցով լի փոսերն ու այլանդակված, հոշոտված մարմիններից հոսող արյունը, ծանր հոգոց հանելով եւ աչքերն ու ձեռքերը դեպի երկինք պարզելով, ասում է. «Ողորմա՛ծ Աստված,սա իմ ձեռքի գործը չէ»:
Մեկը կարող է հարցնել մեզ. «Եթե ճիշտ է, որ բոլոր դժբախտությունները մեզ հասնում են Աստծո կամքով, ապա անտեղի՛ ենք հակառակում Նրա սուրբ կամքին, հիվանդության պարագայում իզո՛ւր ենք դեղեր գործածում, ի՞նչ կարիք կա զորքեր հանելու հարձակվող թշնամու վրա, եւ ինչո՞ւ կամավորապես չհանձնենք նրան մեր բերդերի բանալիներն ու հոժարակամորեն թույլ չտանք նրան մտնել մեր հայրենիք` մեզ կորստյան մատնելու: Ինչո՞ւ չենք նմանվում երանելի հայրապետ Լուպպոսին, ով Ատտիլեսին դիմավորեց հետեւյալ խոսքով. «Ողջո՛ւյն քեզ, Ատտիլե՛ս, մտրա՛կ Աստծո»:
Պատասխանում եմ հարցնողներին: Որ ավերիչ պատերազմներն ու այլ դժբախտություններ տեղի են ունենում ո՛չ առանց Աստծո կամքի, դա պարզ բան է, ինչպես արդեն ցույց ենք տվել, սակայն այստեղից չի հետեւում, որ ոչ պետք է դիմակայել թշնամիներին, ոչ մեր հիվանդությունները բուժել` սա Աստծո կամքին հակառակություն համարելով: Բացատրենք հիվանդության օրինակով: Ինչ ուղղակի պատճառից էլ սկսվի այն, չկա կասկած (ինչպես վերեւում նշվել է արդեն), որ Աստված է այդպես կամեցել: Սակայն հիվանդին հայտնի չէ Աստծո մտադրությունն իր հիվանդության շարունակության ընթացքի մասին, ուստիեւ հիվանդին չի արգելվում դիմել զանազան միջոցների` հիվանդությունից ազատվելու համար: Եվ երբ նա, բազմաթիվ բուժամիջոցների դիմելուց հետո, չառողջանա, ապա կարող է վստահ լինել, որ Աստծո կամքն է դա, որ նա շարունակական ու ծանր հիվանդություն կրի: Հիվանդությունից տառապո՛ղ եղբայր, խոնարհաբար մտածիր, որ Աստված կամենում է դեռեւս պահել քեզ հիվանդ վիճակում: Սակայն քանի որ դու հաստատ չգիտես, որ Աստված մտադիր է, որ դու տառապես մինչեւ մահ, ապա մեղք չես գործի, եթե դիմես բժշկության միջոցների` հիվանդությունից ազատվելու կամ գոնե այն թեթեւացնելու համար: Բժշկական միջոցների դիմելու անմեղությունն ապացուցվում է նաեւ նրանով, որ եթե Աստված հարմար չի գտնում քեզ առողջություն պարգեւել, ապա Նա կարող է ցանկացած միջոց զրկել բժշկական զորությունից: Այսպես էլ պետք է մտածել թշնամիների եւ պատերազմների մասին: Աստված բազմաթիվ անգամ թույլ տվեց թշնամիներին ստրկացնել իսրայելացիներին, որպեսզի այդ ժողովուրդն անօրեն կյանքով չապրեր ու իր Աստծուն չմոռանար, եւ իսրայելացիները, քանի դեռ չէին հասկանում, որ այդ ամենում Աստծո կամքը կար, դիմադրում էին իրենց թշնամիներին: Սակայն նրանք այլ կերպ վարվեցին, երբ Երեմիա մարգարեն նրանց հայտնեց Աստծո կամքը, որ հանձնվեն Նաբուքոդոնոսոր թագավորին: Այդպես նաեւ եթե սկսված հրդեհը, չնայած մարդկանց ու հրշեջների խմբի բոլոր ջանքերին, հնարավոր չեղավ հանգցնել, ապա պարզ է, որ Աստծո դատաստանը որոշել էր, որ տունը ոչ միայն կրակի մատնվի, այլեւ լիովին այրվի` Աստծո բարեկամների համբերությունը փորձելու եւ թշնամիներին պատժելու համար: Այսպես է պետք մտածել նաեւ մեր կյանքի մյուս բոլոր իրադարձությունների պարագայում:

Սյունյաց Կանթեղ. N-37






Բաժին: Քրիստոնեական դասընթացներ | Դիտումներ: 526 | Ավելացրեց: Տեր_Համբարձում | Պիտակներ: Աստծո արդարության հաստատումը, Astco ardarautyan hastataumy | Հեղինակություն: 5.0/5
Որոնում կայքում


Armenian Directory
Սույն կայքի նյութերը պաշտպանված են հեղինակային իրավունքով: Մեջբերումներ անելիս հղումը կայքին պարտադիր է:
Օնլայն ընդամենը: 1
Հյուրեր: 1
Օգտվողներ: 0

Հայ Առաքելական Ս. Եկեղեցի © 2011-2013